Laeveslang
Van Cd: Aope Deure 2018
Tekst en muziek: Ton Custers
Spotify
–
Haje waas se haje kèns, alle deure toe
Eedre daag ’t zelfde, is ’t ‘m det noe
Höbs se ‘ns ’n meining haat die veur dich det is fout
Sjpraeke det is zilver zjwiege blief nag klatergoud
Houwe trouwe huuske bouwe vraet dich lekker op
Haat dich in en hou dich mer ‘ns veur dae kop
Blief mer laeveslang gevange, duuj ‘t door de sjtrot
Ouch al geis se zelf d’r aan kepót.
Laeveslang, laeveslang (doe goofs dich zelf),
laeveslang, laeveslang.
Kiekend nao die angere, groot getrókke wie ’t heurt
Kiek die van hie naeve es ós det mer nooit gebeurd
Ligk mer alles vas zo des se noe al zeker wèts
Des se later zègke kèns ich höb good opgelèt
Mer wo höbs se opgelèt waat höbs se meer gedaon
Den dich zelf get inne kaaj te laote sjtaon
Nemes kiek dich vraemp of sjeif aan doe duis wie ’t mót
Al geis se dao den zelf ouch aan kepót
Laot dich verwènne
Uit: De Nuuj Baedeleers (2017)
Tekst en muziek: Ton Custers
–
Mevrouw Horecas
Laot dich gaon, laot dich verwènne.
Sjpeel ‘t sjpel wie ’t zich heurt.
Door ‘t te doon, leers se ze kènne.
Ederein, kump aan de beurt.
Ich zègk dich ederein, krieg hie ’n beurt.
Leefde maak blindj
Uit: De Nuuj Baedeleers (2017)
Tekst en muziek: Ton Custers
–
Lucy:
Ederskeer, ederskeer, es ‘t weer zaet, ich zeen dich gaer.
Den druim ich, en ich vergaet, det ich opnuuj bedónderd waer.
Pol:
Ederskeer, ederskeer, es ‘t weer zaet, ich haaj van dich.
Den sjmilt ich, en ich vergaet,
alles waat het aan ozel ooit haet aangerich.
Lucy en Pol:
Nao alles waat ich höb mitgemaak,
waer ich altied nag door häör geraak.
Veuls wie ’t ech zit, mer leefde maak blindj.
Wèts wie ’t ech zit, mer leefde maak dich blindj.
Koor:
Leefde, leefde, leefde maak blindj.
Leefde, leefde, leefde maak blindj.
Leefdesleedje
Uit: De Driesjtuver Opera (2012)
Tekst: Bertold Brecht
Muziek: Kurt Weil
Vertaling: Ton Custers
–
(Polly & Macheath)
Al waar d’r dan ouch geine ambteneer
En nörges blome oppe’n altaor
(Polly)
En vreug se dich aaf, waem droog det kleid ouch weer?
en höb ich gein Myrthe in ’t haor.
(Macheath)
En vraog ich mich aaf, waem droog det kleid ouch weer?
en höb se gein Myrthe in ’t haor.
(Polly & Macheath)
Dae tejjer, wo van se dien aete noe its
Sjmiet dae mer weg noe, dae is laeg
De leefde blief waal, of die blief toch neet
mesjien waal op óze waeg
Les aillos
Van Cd: Aope Deure (2008)
Eerder op Cd: Nooit meer allein (2002)
Tekst en muziek: Ton Custers
Spotify
YouTube
–
Väöl verhaole óngerwaeg, nieks verlaore óngerwaeg
zoväöl vraoge, zoväöl druime, zoväöl laeve óngerwaeg
en de wermte óngerwaeg, joui de vivre óngerwaeg
en de zón die sjient alles vergaetend óngerwaeg
Ederein is waat d’r is noe vandaag,
zien gister is ederein kwiet.
Morge is weer ‘ne angere daag,
nemes dae nump ós de tied.
Effe wo neudig dae helpende handj,
‘ne sjouwer veur ’n einzaam moment.
Effe get deile en effe dae bandj,
genetend van eder moment.
Vergaete d’n ozel, vergaete de tied,
vergaete waat anges nag tèlt.
Toujour le soleil en dichzelf nooit meer kwiet,
dao is nieks waat dich hie taenge hèlt.
Drink op ’t laeve en drink op ’t waer,
en nemes dae vreug meer wohaer?
Zoväöl zón, zoväöl wien, zoväöl beer óngerwaeg.